Një vend ku mund të thuash të vërtetën

Si e mbrojmë anonimitetin tënd

• Asnjë llogari. Nuk ka regjistrim, fjalëkalim, email apo numër telefoni.
• Pseudonim i rastësishëm. Çdo vizitë merr një emër si “Shqiponja e Heshtur 23”, që nuk ka lidhje me ty.
• Pa IP në bazën e të dhënave. Ruajmë vetëm një gjurmë të koduar me çelës sekret, që shërben kundër spam-it dhe fshihet pas 12 muajsh.
• Pa gjurmues. Pa Google Analytics, pa Facebook Pixel, pa reklama. Edhe fontet dhe ikonat ngarkohen nga serveri ynë, që asnjë kompani tjetër të mos e shohë vizitën tënde.

Kujdes me detajet. Anonimiteti ka edhe kufij praktikë: nëse shkruan detaje shumë specifike (“isha klienti i vetëm të hënën në orën 10:15”), dikush mund të të njohë. Dhe nëse publikon diçka të paligjshme, autoritetet mund të kërkojnë të dhëna nga ofruesit e internetit.

Si i mbajmë vlerësimet të besueshme

• Një vlerësim për person. Çdo pajisje mund ta vlerësojë një biznes vetëm një herë.
• Filtra dhe moderim. Gjuha fyese, numrat e telefonit dhe lidhjet ndalen për shqyrtim; komuniteti raporton pjesën tjetër.
• Renditje e drejtë. Një 5 nga një person i vetëm nuk e kalon një 4,7 nga gjashtëdhjetë vetë — renditja merr parasysh edhe numrin e vlerësimeve.
• Pa pagesa. Bizneset nuk mund të paguajnë për të fshirë, fshehur apo ndryshuar vlerësime.

Nga vijnë bizneset që gjen këtu?

Pjesa më e madhe e bizneseve, institucioneve dhe shërbimeve (emri, adresa, orari, telefoni, faqja) vjen nga OpenStreetMap, harta e lirë e ndërtuar nga vullnetarë, me licencën ODbL. Fotot vijnë nga Wikimedia Commons, secila me autorin dhe licencën e vet, ose i dërgojnë vetë bizneset. Pjesën tjetër e shtojnë përdoruesit kur shkruajnë vlerësimin e parë.

Të dhënat mund të jenë të vjetruara. Nëse një biznes është mbyllur ose ka informacion të gabuar, përdor “Raporto” te faqja e tij ose na shkruaj.

Pse “E gjithë Shqipëria”?

Bankat, operatorët telefonikë, dyqanet online dhe institucionet qendrore nuk i përkasin një qyteti të vetëm. I gjen te E gjithë Shqipëria.